中 國作為世界第四大經濟體系，第二季GDP增長達11.9％，係12年內最高。出口、投資繼續帶動中國經濟高速成長，代價係高通脹，主因係中國人均收入仍處 低收入期，開支方面食物佔好大比重（因為佔CPI比重大）。食物價格平均上升15.4％7月份，CPI升幅自然大，形成工資上升壓力。何況滬深指數今 年上升130％，單單財富效應，便足以令CPI加快上升。
中國7月份CPI升5.6％，創10年新高，其中食品價格上升 15.4％，非食品價格上升0.9％，消費品上升6.9％，服務價格上升1.6％。食品類中，糧食漲6％、油脂升30.1％、肉禽及其製品升45.2％、 鮮蛋升30.6％、水產升5.4％、菜價升18.7％、鮮果降12.2％、調味品升4.5％。
中國m2較去年同期升18.48％，創去年6月以來新高；貸款亦升16.63％，證明通貨膨脹（流通貨幣增加）必推動物價（CPI）上升。貨幣供應高速增加下，樓價點樣下跌？股市點樣大跌？CPI點樣減慢上升？中國L大幅增長理由有三：一、外貿盈餘產生資金流入；二、國際熱錢期望人民幣升值而流入；三、利率低於CPI增長率，市民唔甘心將蚊年放銀行收息（被通脹蠶食），於是到處搵炒。內地人開始認為：「就算跑唔贏劉翔，都一定要跑贏CPI！」 過去五年，內地存款戶既錯過物業升值兩倍（買樓一般只畀樓價30％，相對本金升幅好大），亦錯過內地地產股升值6倍機遇。記 得1969年我老曹只有5000元身家，便開始學人買股票，親戚朋友皆指摘我老曹做「投機生意」。1970年買第一個住宅樓花，樓面555呎，售價6.8 萬元，首期先畀一成，打完樁再畀一成，起到三樓又畀一成，入伙付清（當年銀行唔做樓花生意）。而我老曹已有1萬元身家，其中6800元用作畀樓花一成，親 戚朋友又話我「膽生毛，唔識死，60年代唔知幾多樓花變成爛尾樓……」。當1973年我老曹賺得50萬元（未計一間555呎住宅1973年入伙時，市價已 升到15萬元），佢地個個話我老曹叻仔，叫我教佢地炒股票……。
英鎊價進入尋頂期
回望香港過去40年，懂得投資 （今時今日叫理財）與只存錢入銀行只曉收息者，分別有幾大？上述情況正內地重演。今天香港經濟早已進入成熟期（1997年已係高峰期），投資環境在轉壞 中，1997年投資主力應移到歐美。踏入2000年，投資對象更應該以內地企業股為主。來自香港投資經驗，唔少可套用內地投資上。
隱憂：
依家美股市值20萬億美元，七倍於中國市場總市值，上市公司6000多家。英國、加拿大、日本平均3000家以上，A股上市公司僅1400多家，實力與發達國家相比差距好明顯。
從融資結構睇，雖然近兩年中國企業直接融資比重有所上升，但距離一個成熟資本市場要求相差甚遠。A股總市值21.1491萬億元，首次超過去年中國 GDP 21.0871萬億元。中國GDP高速增長，企業盈利快速提升，流動性過剩，股權分置改革成功及大盤股上市等多種因素，都起推動作用。中國經濟證券化率 1991年只有0.505％，到今天已超過100％（美國1996年才首次突破100％，到109.3％；南韓去年才達到108.6％）。證券化率愈 高，代表證券市場該國GDP所佔地位愈重要。另一方面，中國直接融資 2005年不超過500億元，佔融資總額1.5％（美國直接融資佔融資總額比重達88％），即中國證券市場仍非工商融資最重要來源。到底中國股市總值超 過GDP，代表乜？令人擔心未來中國股市升降對中國GDP影響力大幅提升，即索羅斯所講：金融市場反過來影響經濟基本因素，再非只係經濟晴雨計咁簡單。 隨愈來愈多企業上市，中國股市能否繼續高速上升將面臨考驗。
經過股權分置改革後，中國資本市場迅速擴大，但秩序係咪 規範化？中國企業係迅速「做大」，但未必「做強」？大而不強企業可能更累事。國資委公布中央企業去年經營業績考檢結果，評為A級只有34戶，佔考核企業 22.67％，分別係中國石化（386）、中移動、中國石油（857）、華潤集團、南方電網、國家電網、中國鋁業（2600）、中國遠洋（1919）、鞍 鋼（347）、中海油、華能集團（902）、中國航空（753）、中國電信（728）等；B級共77戶，佔被考核企業51.33％；C級35戶，佔 23.33％；D級4戶，佔2.67％。國資委公布2010年中央企業數目將減少至80家到100家，主要係石油化工、電信、電力、煤炭、冶金、船舶製 造、航運、建築八個行業。其他管理質素未達A級國企，未來命運如何？
到8月6日滬深股市賬戶共1.11億戶，其中A股賬戶9441.37萬，較年初多2000幾萬戶，散戶數目增幅何其快速。內地投資者唔成熟，亦係中國股市另一隱憂。
