隨內地上市公司半年結披露結束，第三季度業績開始受市場關注。根據Wind公司統計數據，1500多家上市公司中，已有472家預告第三季度業績，其中296家預增或扭轉虧損、143家預減或虧損、33家表示唔確定。從預告情況睇，第三季度依然保持良好勢頭，純利可大升估計超過12家，升幅100％左右，達77家。換言之，第三季內地A股純利與2006年同期比較仍十分出色。睇好行業有有色金屬、採掘行業、鋼鐵業、機械設備業純利仍可上升50％，房地產繼續睇好，交通運輸、交運設備、建材等表現亦良好。
第三季大部分上市A股純利大幅增長已成定局，令人擔心係純利來源好大部分來自非主營業務，主因係上市公司交叉持股現象非常普遍，股市火爆上升，唔少公司淨利潤增長就係靠投資收益上升來實現。如果冇呢方面收益，A股純利第三季升幅好有限，上述係純利高增長背後隱憂。1973年恒生指數升上1700點，理由係華資地產公司互相發行新股換取對方股份，然後將發新股換回對方公司股份賣掉賺大錢。1988及89年日經平均指數點解狂升？理由係公司之間互相持股，A公司純利上升理由係因為B公司股份；B公司股價上升，A公司純利自然上升；反過來B公司純利上升，理由係因為A公司股份……。上述情況今時今日內地A股市場重演，令A股純利郁就上升100％或以上。
中信證券今年上半年獲利42.08億元，較去年同期上升442％，理由係A股股市興旺，上述純利升幅第三季仍可保持，但明年上半年能否再保持？又以國壽（2628）為例，股價去年4月至今上升7倍，未來一年純利要再升幾多，才能支持股價更上一層樓？
H股O唔可能同A股睇齊
過去QDII並未將A、H股差價消除，點解未來開放個人資金投資港股後可將A、H股差價消除？今年上半年A股純利平均上升67％，上述純利升幅支持內地A股高O；宣布內地個人資金自由行後，由於期望內地資金來港，令H股股價出現爆炸性上升。依家H股平均O24倍，如H股O同內地A股O睇齊，即股價可再升100％。但A股係封閉式市場，大部分A股係非流通股，能市場上流通只佔一小部分，因此可以炒供求。H股係全流通股，80％外資機構手中，如H股O較外國同類型股份O高，外資機構隨時可沽出H股，將資金用作購買外國同類型股份，因此H股O唔可能同A股O看齊，QDII（內地機構投資者可投資港股）唔可以，DII（內地個人投資者）亦唔可以，雖然外資證券行估計，到2010年前DII有1500億美元（約1.1萬億港元）流入香港。
股票短期係投票機器（受群眾心理影響），長期係評估機器（最終反映公司實際價值）。內地A股上半年純利平均上升76％，令O50倍睇似乎合理，但企業核心利潤（剔除投資股票收益或同證券業有關行業）升幅有幾多？如明年上半年A股純利已不能再升76％，隨純利升幅下降，O亦將下降……。因為今年上半年A股純利如將非主營收益剔除，純利升幅只有33％，上述純利升幅能否支持O50倍以上？
